| dc.description.abstract | Vossamodellen er eit prosjekt om kvardagsrehabilitering i Voss kommune. Inspirasjon til modellen er henta frå Danske kommunar. Det handlar om utvikling av ein eigen, og lokalt forankra, modell for rehabilitering av vaksne og eldre heimebuande personer. Voss kommune prøver ut ein modell med tidleg intervensjon, i form av daglig trening integrert i helsehjelp og assistanse, i nært samarbeid med brukar. I Vossamodellen vert pleie og praktisk bistand integrert i dagleg rehabilitering. Ordinært personell gjennomfører rehabilitering i samarbeid med, og under veiledning frå, eit team av ergoterapeut og fysioterapeut. Ein modell der ein flytter fokus frå kva type og mengde hjelp ein skal tildele, til kva som skal til for at vedkomande skal bli mest mogeleg sjølvhjulpen. Dette er å sjå som innovasjon på pleie- og omsorgsområdet i offentlig sektor. Prosjektet vert utført med Høgskolen i Bergen, Senter for omsorgsforskning Vest, Utviklingssenter for sykehjem og hjemmetjenester i Hordaland, Funksjonshemmedes felles organisasjon ( FFO) og Helse Bergen Voss sjukehus som samarbeidspartar. Prosjektet vert gjennomført delvis gjennom omdisponering av eksisterande stillingsheimlar i Voss kommune og gjennom ekstern finansiering frå Helsedirektoratet, Fylkesmannen og Extrastiftelsen. Det er og gjeve tilskot frå Regionalt forskningsfond Vestlandet til finansiering av forskninga, som vert utført av Høgskulen i Bergen. Prosjektet er no kome over halveges i forløpet, og ein kan vise til fleire gode resultat, der brukarar har redusert kraftig på sine tenester, eller avslutta dei heilt. | |
